STRESS

برجوليّة ملاّ كعبة ستراس في بلادنا..
العباد كلّها تجري و تجرّي .. الخدمة و السكات..
ولاد بلادي لا تنفع معاهم سخانة و لا برد ولا حاجتهم بكليماتزور و لا شوفاج..
حاجتك بش تطلع ورقة تلقى الأمور كلها مسهلّة قدّامك.. مفمّاش هذي إرجع غدوة ولاّ برّا شوف البيرو اللي فل طابق كذا ولّي تمشيلو تلقى السّيد يعمل في بوز كافييه عندو قرابة السّاعة كيما في بلاد الناس..
يا خويا أحنا ياسر نكرهو التكركير .. لا نحبو الركشة ولا الفصعة .. و لا القهاوي و لا السهريات..
هذا الكل خلانا نعانيو من مرض إسمه الستراس.. اللي تسؤلو يقلك خويا براس إميمتك خليني راني ستراسّي...
الحل واضح و صريح : رتحو رواحكم شوية و اُعملو كيف الغرب تو ينقص الستراس..
ربّي يهدي..
أنّستو