ثنايا

في مفترق ثنايا .. واقف محتار..
مانجّمش يقرّر آنا ثنيّة يختار ..
" زعمة ندور عل يمين وعنيّه مغمضين ..
ولاّ كيف ندور عل يسار نعمل آفار ..
زعمة نمشي القدّام و نقّص مل التخمام ..
ولاّ نوخر لتالي و نريّح بالي .."
ما اُخيبها وقتلّي تتخلّط عليك الثنايا ..
لا عاد تعرف تفرّق بين الواجب و المزايا ..
وفي زماننا قدّاش كثرت المفترقات ..
وظلامت الطرقات .. و صعبت الإختيارات ..
ما تكونش كيف الرّيشة اللّي يهزها الرّيح ..إختار ثنيّة ..
إمشي فيها راسك مرفوع و قول هذي هيّ ..
ثنيتي خترتها وحدي ما عملوش عليّا مزيّة ..
مش مهمّ تكون أحسن ثنيّة ..
المهمّ تكون قدّ المسؤوليّة ..

أنّستو