L'argent ne fait pas le bonheur, mais il y contribue.

عشيري الدّنيا ولاّت مش نرمال
لعباد الكلّ "تفيّس" خاصّة في الكابيتال
برتابلوات كراهب و برشا ماديّات
قالولي خلّيك "إين" أخطاك مل برتكولات

من غير ما تقلّي ما على باليش
أنا نرى في حوايج برجوليّة ما تجيش
التّطور باهي أما الدّنيا مش كلّها بقشيش
كيف ما تخمم كان فل فلوس ما تنجّمش تعيش

خويا نعطيك نصيحة خوذها من عندي
عبد متغرّب و بعيد عن أهلي
في الدّنيا راهو فمّا برشا حاجات
تخلّيك عايش مرتاح من غير صرفان شيكات

ما تقولش كلام كتبّة و طبّ نفسي
خاطر لفلوس مهمّة في نظري
أنا قتلك حاول تخمّم معايا
الفلوس راهي ماشية جاية

ما تربطش روحك بها و خلّيك متحكّم فيها
هذكا آش طالبين منّك حاجة تقدر عليها